« »

နေပြည်တော်၏ သဘာဝဘေးအန္တရာယ် ပြဿနာများ


     ပျဉ်းမနားကြက်ပြေး မှ နေပြည်တော် အဖြစ်သို့ အသွင်ပြောင်း ရောက်ရှိခဲ့သော အစိုးရရုံးစိုက်ရာမြို့တော်တွင် သဘာဝဘေး အန္တရာယ်များစွာ သက်ရောက်လျှက်ရှိသည်။ စစ်အစိုးရမှ ထိမ်ချန်ထားသော သတင်းများစွာအနက် နေပြည်တော် ရှိ တောမီးနှင့် ဆက်တိုက် လှုပ်နေသော ငလျင် များ ပါဝင်သည်။

     အမည်မဖေါ်လိုသူ ရန်ကုန်သတင်းထောက်တစ်ဦးက နေပြည်တော်တွင် လွန်ခဲ့သော လများက ဖြစ်ပွားခဲ့သော တောမီး၊ လက်ရှိ ဆက်တိုက်လှုပ်နေသော ငလျင်ကြော နှင့် ပြိုကျပျက်ဆီးသွားသော ဟိုတယ်များ ရှိနေကြောင်း ကြက်ပြေး ဟိုတယ်တွင် အလုပ်လုပ်သူများ၏ အဆိုကို ကိုးကား၍ ပြောသည်။ ပြိုကျသွားသော ဟိုတယ်များ အနက် ကြံ့ဖွံ့ပါတီအမတ် ဇေကမ္ဘာဦးခင်ရွှေ ပိုင်ဆိုင်သော မောင့်ပရဲစင့်ဟိုတယ် ပါဝင်ကြောင်း၊ ဟိုတယ်အဆောင် ၃ဆောင်မှာ ငလျင် ဒဏ်ကြောင့် ကွဲအက်လိုက် လာသဖြင့် တမင်ဖြိုချထားလိုက်ရကြောင်း အဆိုပါဝန်ထမ်းက ဆိုသည်။ ထိုအကြောင်းကို ဦးခင်ရွှေ အပါအဝင် အားလုံးက ဖုံးအုပ်ထားကြောင်း၊ ဦးခင်ရွှေသို့ တိုက်ရိုက် ဖုန်းဆက်မေးမြန်း သော်လည်း ဖုန်းပြန်လည် ဖြေကြားခြင်း မရှိကြောင်း အဆိုပါ သတင်းထောက်က ဆိုသည်။

     လောင်ခဲ့သော တောမီးမှာ လူနေဆောင် ၄ထပ်အထိ မြင့်မားကြောင်းကို နေပြည်တော်မှ ပြန်လာသော ဝန်ထမ်းက ဖုန်းထဲတွင် မပြောရဲသဖြင့် ရန်ကုန်ပြန်ရောက်ပြီး လများစွာကြာမှ သိရသည်ဟု ဆိုသည်။
      ထို့အပြင် ကျန်းမာရေးဝန်ကြီးဌာနမှာ ငလျှင်ကြောပေါ်တွင့် တည့်တည့်ကျနေသဖြင့် ငလျင်လှုပ်သော အကြိမ်ပေါင်း များစွာရှိကာ၊ ကြံ့ခိုင်မှုနည်းကာ ပစ္စည်းခို၍ ဆောက်ထားသော အဆောက်အဦးများမှာ အက်ကွဲလိုက်လာကြောင်း သိရသည်။

     စစ်အစိုးရသည် နေပြည်တော်သို့ ၂၀၀၅ခုနှစ်၊ နိုဝင်္ဘာလ က ပြောင်းရွှေ့သွားခဲ့ပြီး ကျပ်သန်းထောင်ပေါင်းများစွာ အကုန်အကျခံကာ ဆောက်လုပ်ရေးလုပ်ငန်းများ ဆက်တိုက်လုပ် ဆောင်ခဲ့ပြီး ရှေ့တွင်လည်း ဟိုတယ်များ၊ အစိုးရရုံးနှင့် လူနေအဆောက်အဦးများ ဆက်လက်တိုးချဲ့ တည်ဆောက်သွားရန် ရှိသည်ဟု သိရသည်။ 


Tags: ,

လမ်းသစ်

လမ်းသစ်ဂျာနယ် အင်တာနက်စာမျက်နှာအား www.lannthit.co.nr ဖြင့်ဝင်ရောက် ဖတ်ရှုနိုင်ပြီး နေ့စဉ်သတင်းစာအား www.burmanews.co.nr ဖြင့်ဝင်ရောက် ဖတ်ရှုနိုင်ပါသည်။