« »

ကိုကင်းမူးယစ် ဆေးဝါးများကို အင်ဂျင် အစိတ်အပိုင်း အတွင်း ရှာဖွေတွေ့ရှိ


စီပန်း။ ။ ၂၀၁၁ ဇွန်လ ၁ဝရက်နေ့တွင် ရင်းဂစ် ငါးသိန်းတန်ဖိုးရှိ မက်သဖက်တမင်း (ကိုကင်း) မူးယစ်ဆေးဝါးများကို ကေအယ်လ် အပြည်ပြည်ဆိုင်ရာ လေဆိပ်ရှိ အကောက်ခွန်ဌါနမှ ပြုပြင်ထားသော အင်ဂျင်အစိတ်းအပိုင်း (ပစ္စတင်) လေးခုအား မီးသတ်ဌါန၏ အကူ အညီဖြင့် ငါးနာရီကြာမျှ ခက်ခဲစွာ ဖွင့်ပြီးနောက်တွင် တွေ့ရှိခဲ့ခြင်း ဖြစ်သည်။

      အဆိုပါ အင်ဂျင်အစိတ်အပိုင်းအား အာဖရိက နိုင်ငံသားတစ်ဦးမှ သယ်ဆောင်လာခြင်းဖြစ်ပြီး ကေအယ်လေဆိပ် အကောက်ခွန်ဌါန ဦးစီးမှူး ”ဒါတွတ် ဂေါဗင်ဒန်းမူတိုဆာမိ” မှ ရှာဖွေရေးပစ္စည်းဖြင့် စစ်ဆေးပြီးနောက် အဆိုပါ မသင်္ကာဖွယ်ရာ အိတ်ကို ဖွင့်ကြည့် သောအခါမှ စက်ဆီများ ဖုံးအုပ်နေသည့် အင်ဂျင် အစိတ်အပိုင်းကို တွေ့ရှိခဲ့ရသည်။

"မူးယစ်ဆေးဝါး သယ်ဆောင်လာလိမ့်မယ်လို့ ကျွန်တော်တို့ မသင်္ကာဖြစ်မိနေတာနဲ့ ဖွင့်ကြည့်လိုက်တော့ ထင်တဲ့အတိုင်းပဲ ဒီကောင်က စက်ဆီတွေနဲ့ ကိုကင်းအနံ့ကို ဖုံးထားတယ်" ဟု ဂေါဗင်ဒန်းမှ ပြောကြားခဲ့သည်။

      အကောက်ခွန်ဌါနမှ မူးယစ်ဆေးဝါးသယ်ဆောင်မှု ကွင်းဆက်များ ပြည်တွင်း၌ ရှိနေပြီလားဟု သင်္ကာမကင်း ဖြစ်မိကြောင်းနှင့် ဆက်လက် စုံစမ်းသွားမည် ဖြစ်ကြောင်း သိရှိရပါသည်။ ထုိုသုို့ အင်ဂျင် အစိတ်အပိုင်းတွေကို စက်ဆီဖုံးပြီး မူးယစ်ဆေးဝါး မှောင်ခိုသယ်ဆောင်နေခြင်းသည် ပထမဦးဆုံး အကြိမ်မဟုတ်ကြောင်း အထက်ပါ အရာရှိမှ ပြောကြားသွားသည်။

      ၁၉၅၂ တွင် ပြဌါန်းထားသော အက်ဥပဒေပုဒ်မ ၃၉(ဘီ) အရ ရမန်ကြီးချုပ်ထားပြီး စုံစမ်းစစ်ဆေးခြင်းများ ပြုလုပ်ထားမည် ဖြစ်သည်။ ထုိုသုို့ မူးယစ်ဆေးဝါး သယ်ဆောင်သူများသည် ပြစ်မှုထင်ရှားပါက မလေးရှားနိုင်ငံတွင် ပြဌါန်းထားသော ဥပဒေအရ မလွှဲမသွေ သေဒဏ်ကျခံရမည် ဖြစ်သည်။ 


Tags: ,

လမ်းသစ်

လမ်းသစ်ဂျာနယ် အင်တာနက်စာမျက်နှာအား www.lannthit.co.nr ဖြင့်ဝင်ရောက် ဖတ်ရှုနိုင်ပြီး နေ့စဉ်သတင်းစာအား www.burmanews.co.nr ဖြင့်ဝင်ရောက် ဖတ်ရှုနိုင်ပါသည်။