« »

အိမ်ဖေါ်ကို မတရားနှိပ်စက်သော အလုပ်ရှင်အမျိုးသမီး ထောင်၈နှစ်ကျ


      ဂျော့ခ်ျတောင်းမှ အိမ်ရှင်မတစ်ဦးမှာ အင်ဒိုနီးရှား အိမ်ဖေါ်အမျိုးသမီးအား အလွန်ပူ ကျက်နေသော မီးပူဖြင့် ဒဏ်ရာ ပြင်းထန်စွာ ရခဲ့စေမှုဖြင့် ထောင်ဒဏ်(၈) နှစ်အပြင် ဒဏ်ငွေ ရင်းဂစ်နှစ်သောင်း ကျခံစေရန် ဂျော့ခ်ျတောင်း တရားရုံးမှ မေလ (၅)ရက်နေ့ က ပြစ်ဒဏ် ချမှတ်လိုက်သည်။

     အမှုမှာ ၂၀၁၀ ခုနှစ် စက်တင်္ဘာလ ၁ရက်မှ ၁၃ရက်အတွင်း ဖြစ်ပွားခဲ့ပြီး ၃၆နှစ်အရွယ် တရားခံအိမ်ရှင်မ ပွန်ဂါဗာနန် က ၂၆နှစ်အရွယ် အင်ဒိုနီးရှား အိမ်ဖေါ် ”ဝင်းဖာအိဒါ” အပေါ် ကျူးလွန် ခဲ့သော အမှုဖြစ်သည်။

     အဆိုပါပြစ်မှုအတွက် ဆွဲချက်တင်ထားသောရာဇဝတ်မှု ပုဒ်မ၃၂၆အရ အမြင့်ဆုံးပြစ်ဒဏ် ထောင်ဒဏ်အနှစ် (၂၀) နှင့် ကြိမ်ဒဏ် သို့မဟုတ် ငွေဒဏ်ကို ကျခံနိုင်ရသည်ဟု သိရသည်။ ကလေး(၄) ယောက်တို့၏ မိခင် တရားခံအမျိူးသမီးသည် ပြစ်ဒဏ်ချမှတ်ချိန်တွင် စိတ်ထိခိုက်လှုပ်ရှားမှု တစုံတရာ ပြသခဲ့ခြင်း မရှိဟု ဆိုသည်။

     အမှုအတွက် တရားခံ၏ ရှေ့နေက လျှောက်လဲရာတွင် တရားခံသည် ဒေါသကြောင့် ပြစ်မှု ကျူးလွန်ရခြင်း ဖြစ်ပြီး တရားခံ၏ ခင်ပွန်းဖြစ်သူကို မြှူဆွယ်ဖျားယောင်း သောကြောင့်ဖြစ်သည်ဟု ထည့်သွင်းပြောကြားသည်။ အစပိုင်းတွင် တရားခံသည် တရားလိုကို ကောင်းမွန်စွာ ဆက်ဆံခဲ့သည်ဟု တရားလို ”ဝင်း” ကဝန်ခံထားရာ အဆိုပါအချက်ကိုလည်း ထည့်သွင်းထောက်ထားသင့်ကြောင့် ရှေ့နေက ထောက်ပြသည်။ လူထုဆွဲချက်တင်အရာရှိက တရားလို၏ကိုယ်စား တရားရုံးသို့တင်ပြရာတွင် တရားလို ခံစားထားရသော စိတ်ဒဏ်ရာဒဏ်ချက်အပြင် ကိုယ်ခန္ဒာတွင်ရရှ်ိထားသော ဒဏ်ရာဒဏ်ချက် များကိုပါ ထည့်သွင်းစဉ်းစား သင့်ကြောင်း တရားရုံးအား တိုက်တွန်းပြောကြားခဲ့သည်။


      တရားခံ၏ ရှေ့နေက ချမှတ်ထားသော ပြစ်ဒဏ်ကို အယူခံဝင်မည်ဟု ဆိုသည်။ တချိန်တည်းမှာပင် တရားခံ၏ အသက် (၄၀)ရွယ်ခင်ပွန်းသည်မှာလည်း အိမ်ဖေါ်ဖြစ်သူ ”ဝင်း” ကို အလွဲသုံးစားပြုရန် ရည်ရွယ်ချက်ဖြင့် တရားမဝင် ခေါ်သွင်းလာမှုကြောင့် တရားစွဲခံထားရသည်ဟု သိရသည်။ 


Tags: ,

လမ်းသစ်

လမ်းသစ်ဂျာနယ် အင်တာနက်စာမျက်နှာအား www.lannthit.co.nr ဖြင့်ဝင်ရောက် ဖတ်ရှုနိုင်ပြီး နေ့စဉ်သတင်းစာအား www.burmanews.co.nr ဖြင့်ဝင်ရောက် ဖတ်ရှုနိုင်ပါသည်။