« »

နိုဝင်ဘာ၊ ဒီဇင်ဘာလများမှစပြီး မလေးရှားသံရုံးမှ အလုပ်သမားဗီဇာ တိုးမြှင့် ထုတ်ပေးမည် ဟုဆို

နိုဝင်ဘာလ၊ ဒီဇင်ဘာလ များမှ စတင်ပြီး မြန်မာနိုင်ငံ၊ မလေးရှား သံရုံးမှ အလုပ်သမား ဗီဇာ ထုတ်ပေးသည့် အရေအတွက်ကို ယခုထက် တိုးမြှင့် ထုတ်ပေးမည် ဖြစ်ကြောင်း ဩဂုတ် ၂၅ ရက်က မလေးရှား သံရုံးတွင် ကျင်းပသည့် ပြည်ပ အလုပ်အကိုင် ရှာဖွေရေး အေဂျင်စီများနှင့် တွေ့ဆုံပွဲတွင် သံရုံးမှ တာဝန်ရှိသူက ပြောဆိုခဲ့ကြောင်း ယင်းတွေ့ဆုံပွဲသို့ တက်ရောက်ခဲ့ သည့် ပြည်ပ အေဂျင်စီ လုပ်ကိုင်သူ တစ်ဦးက ပြောသည်။

“နိုဝင်ဘာနဲ့ ဒီဇင်ဘာက စပြီး အလုပ်သမား ဗီဇာ ထုတ်ပေးတဲ့ အရေအတွက်ကို ထပ်ပြီး တိုးထုတ် ပေးမယ့် လို့လည်း ပြောတယ်”
ဟု ၄င်းက ဆိုသည်။

ယခင်က အေဂျင်စီ တစ်ခုလျှင် လုပ်သား ၁၅ ဦးနှင့် တစ်ရက်လျှင် အလုပ်သမား ဗီဇာ လူ ၂၀ဝ ဦးကို တနင်္လာနေ့မှ ကြာသပတေးနေ့ အထိ ၄ ရက် ဗီဇာ ထုတ်ပေး ခြဲ့ပီး၊ စက်တင်ဘာ ၁၉ ရက်မှ စတင်ပြီး အေဂျင်စီ တစ်ခုလျှင် လုပ်သား ၂၅ ဦး၊ တစ်နေ့လျှင် ကုမ္ပဏီ၂၀ အား တနင်္လာနေ့မှ ကြာသပတေးနေ့ အထိ ဗီဇာ ထုတ်ပေး သွားမည် ဖြစ်သည်ဟု မလေးရှားသံရုံး၏ တာဝန် ရှိသူက ထည့်သွင်း ပြောဆိုခဲ့ကြောင်း ၄င်းက ပြောဆိုသည်။ မလေးရှား သံရုံးတွင် မှတ်ပုံ တင်ထားသော ပြည်ပ အလုပ်အကိုင် ရှာဖွေရေး အေဂျင်စီ ၉၃ ခု ရှိပြီး၊ စက်တင်ဘာ ၁၆ ရက်မှ စတင်ပြီး အပတ်စဉ် သောကြာနေ့တိုင်း ကုမ္ပဏီ များအား သံရုံးမှ တာဝန်ရှိသူများ ကြီးကြပ်ပြီး သံရုံးအတွင်း မဲနှိုက်ပြီး အလှည့်ကျ လျှောက်ထားခွင့် ပေးမည် ဖြစ်သည်။

အဆိုပါ မဲနှိုက်မည့် နေ့တွင် အေဂျင်စီ၏ တရားဝင် လိုင်စင်နှင့် သက်တမ်း ရှိသော Calling Visa အပြည့်အစုံ ယူလာပြီး နံနက် ၉ နာရီမှ စတင် မဲနှိုက် ရွေးချယ်မည် ဖြစ်သည်။ ယင်းသို့ စနစ်သစ်ဖြင့် ဆောင်ရွက်ရာတွင် နာမည်ပျက် စာရင်း (Black List) တွေ့ရှိပါက ယခင်က မလေးရှား သံရုံးတွင်သာ မှတ်တမ်း ထားရှိ ထားသော်လည်း၊ ယခုအခါ အလုပ်သမား ဝန်ကြီးဌာန ပြည်ထဲရေး ဝန်ကြီးဌာန၊ နိုင်ငံခြားရေး ဝန်ကြီး ဌာနနှင့် ယင်းအေဂျင်စီများနှင့် ဆက်သွယ် ထားသည့် မလေးရှား နိုင်ငံရှိ အေဂျင်စီ များကိုလည်း သက်ဆိုင်ရာ နိုင်ငံခြားရေး ဝန်ကြီး ဌာနသို့ ဆက်သွယ်ပြီး သတင်း ပေးပို့ တိုင်ကြားမည် ဖြစ်ကြောင်း တွေ့ဆုံပွဲသို့ တက်ရောက် ခဲ့သည့် ပြည်ပ အလုပ်အကိုင် ရှာဖွေရေး အေဂျင်စီက တာဝန်ရှိသူ တစ်ဦးက ပြောသည်။

လူကုန်ကူးမှုနှင့် ပတ်သက်ပြီး အမည်ပျက် စာရင်း တင်သွင်း ခံထားရသည့် အေဂျင်စီ ၃ ခု ရှိပြီး ယင်းအေဂျင်စီများ စာရင်းကို မလေးရှား သံရုံးမှ သက်ဆိုင်ရာ ဌာန များသို့ ပေးပို့ ထားပြီး ဖြစ်ကြောင်း၊ ယင်းသို့ စာရွက်စာတမ်း အတုဖြင့် လိမ်လည် လျှောက်ထားခြင်းအား ကာကွယ်ရန် ပြည်ထဲရေး ဝန်ကြီးဌာန လက်အောက်ရှိ မှုခင်း တပ်ဖွဲ့ (CID) နှင့် ၂ လ လျှင် တစ်ကြိမ် ပေးပို့ စစ်ဆေး သွားမည် ဖြစ်သည်။

Source : True News Journal
Tags: ,

လမ်းသစ်

လမ်းသစ်ဂျာနယ် အင်တာနက်စာမျက်နှာအား www.lannthit.co.nr ဖြင့်ဝင်ရောက် ဖတ်ရှုနိုင်ပြီး နေ့စဉ်သတင်းစာအား www.burmanews.co.nr ဖြင့်ဝင်ရောက် ဖတ်ရှုနိုင်ပါသည်။